Саньютта-никая SN38.13
SN38.13 ""
1
Saṃyutta Nikāya 38
- Jambukhādakavagga
- Bhavapañhāsutta
2
“‘Bhavo, bhavo’ti, āvuso sāriputta, vuccati.
Katamo nu kho, āvuso, bhavo”ti?
“Tayome, āvuso, bhavā.
Kāmabhavo, rūpabhavo, arūpabhavo—
ime kho, āvuso, tayo bhavā”ti.
“Atthi panāvuso, maggo atthi paṭipadā, etesaṃ bhavānaṃ pariññāyā”ti?
“Atthi kho, āvuso, maggo atthi paṭipadā, etesaṃ bhavānaṃ pariññāyā”ti.
“Katamo, panāvuso, maggo katamā paṭipadā, etesaṃ bhavānaṃ pariññāyā”ti?
“Ayameva kho, āvuso, ariyo aṭṭhaṅgiko maggo, etesaṃ bhavānaṃ pariññāya, seyyathidaṃ—
sammādiṭṭhi …pe… sammāsamādhi.
Ayaṃ kho, āvuso, maggo ayaṃ paṭipadā, etesaṃ bhavānaṃ pariññāyā”ti.
“Bhaddako, āvuso, maggo bhaddikā paṭipadā, etesaṃ bhavānaṃ pariññāya.
Alañca panāvuso sāriputta, appamādāyā”ti.
Terasamaṃ.
ФОНД
КАНОНА
БУДДИЗМА
Переключать переводы также можно при помощи нажатия клавиш 1, 2, 3 и т.д.
Все материалы на сайте, общедоступны и на них не распространяется авторское право. Их разрешено свободно воспроизводить в любой форме без разрешения авторов. Копировать, размещать на сайтах, в социальных сетях, цитировать, печатать. Это дар нашего фонда для всего человечества.