Choose translation / language

Dhammakathikasutta

Translator: Mahāsaṅgīti Tipiṭaka Buddhavasse 2500

“Cattārome, bhikkhave, dhammakathikā.

Katame cattāro?

Idha, bhikkhave, ekacco dhammakathiko appañca bhāsati asahitañca;

parisā cassa na kusalā hoti sahitāsahitassa.

Evarūpo, bhikkhave, dhammakathiko evarūpāya parisāya dhammakathikotveva saṅkhaṁ gacchati.

Idha pana, bhikkhave, ekacco dhammakathiko appañca bhāsati sahitañca;

parisā cassa kusalā hoti sahitāsahitassa.

Evarūpo, bhikkhave, dhammakathiko evarūpāya parisāya dhammakathikotveva saṅkhaṁ gacchati.

Idha pana, bhikkhave, ekacco dhammakathiko bahuñca bhāsati asahitañca;

parisā cassa na kusalā hoti sahitāsahitassa.

Evarūpo, bhikkhave, dhammakathiko evarūpāya parisāya dhammakathikotveva saṅkhaṁ gacchati.

Idha pana, bhikkhave, ekacco dhammakathiko bahuñca bhāsati sahitañca;

parisā cassa kusalā hoti sahitāsahitassa.

Evarūpo, bhikkhave, dhammakathiko evarūpāya parisāya dhammakathikotveva saṅkhaṁ gacchati.

Ime kho, bhikkhave, cattāro dhammakathikā”ti.

Navamaṁ.

All materials on the site are available to everyone and are not protected by copyright. For non-commercial purposes, they may be freely reproduced in any form without the authors’ permission.

You may copy them, post them on websites and social media, quote them, or print them. This is a gift from our foundation to all of humanity.

For any questions, write to Nara Loka: https://naraloka.ru/en

Personal data processing policy and user agreement