Choose translation / language

Pāṭibhogasutta

Translator: Mahāsaṅgīti Tipiṭaka Buddhavasse 2500

“Catunnaṁ, bhikkhave, dhammānaṁ natthi koci pāṭibhogo—

samaṇo vā brāhmaṇo vā devo vā māro vā brahmā vā koci vā lokasmiṁ.

Katamesaṁ catunnaṁ?

‘Jarādhammaṁ mā jīrī’ti natthi koci pāṭibhogo—

samaṇo vā brāhmaṇo vā devo vā māro vā brahmā vā koci vā lokasmiṁ;

‘byādhidhammaṁ mā byādhiyī’ti natthi koci pāṭibhogo—

samaṇo vā brāhmaṇo vā devo vā māro vā brahmā vā koci vā lokasmiṁ;

‘maraṇadhammaṁ mā mīyī’ti natthi koci pāṭibhogo—

samaṇo vā brāhmaṇo vā devo vā māro vā brahmā vā koci vā lokasmiṁ;

‘yāni kho pana tāni pubbe attanā katāni pāpakāni kammāni saṅkilesikāni ponobhavikāni sadarāni dukkhavipākāni āyatiṁ jātijarāmaraṇikāni, tesaṁ vipāko mā nibbattī’ti natthi koci pāṭibhogo—

samaṇo vā brāhmaṇo vā devo vā māro vā brahmā vā koci vā lokasmiṁ.

Imesaṁ kho, bhikkhave, catunnaṁ dhammānaṁ natthi koci pāṭibhogo—

samaṇo vā brāhmaṇo vā devo vā māro vā brahmā vā koci vā lokasmin”ti.

Dutiyaṁ.

All materials on the site are available to everyone and are not protected by copyright. For non-commercial purposes, they may be freely reproduced in any form without the authors’ permission.

You may copy them, post them on websites and social media, quote them, or print them. This is a gift from our foundation to all of humanity.

For any questions, write to Nara Loka: https://naraloka.ru/en

Personal data processing policy and user agreement