Choose translation / language

Acinteyyasutta

Translator: Mahāsaṅgīti Tipiṭaka Buddhavasse 2500

“Cattārimāni, bhikkhave, acinteyyāni, na cintetabbāni; yāni cintento ummādassa vighātassa bhāgī assa.

Katamāni cattāri?

Buddhānaṁ, bhikkhave, buddhavisayo acinteyyo, na cintetabbo;

yaṁ cintento ummādassa vighātassa bhāgī assa.

Jhāyissa, bhikkhave, jhānavisayo acinteyyo, na cintetabbo;

yaṁ cintento ummādassa vighātassa bhāgī assa.

Kammavipāko, bhikkhave, acinteyyo, na cintetabbo;

yaṁ cintento ummādassa vighātassa bhāgī assa.

Lokacintā, bhikkhave, acinteyyā, na cintetabbā;

yaṁ cintento ummādassa vighātassa bhāgī assa.

Imāni kho, bhikkhave, cattāri acinteyyāni, na cintetabbāni; yāni cintento ummādassa vighātassa bhāgī assā”ti.

Sattamaṁ.

All materials on the site are available to everyone and are not protected by copyright. For non-commercial purposes, they may be freely reproduced in any form without the authors’ permission.

You may copy them, post them on websites and social media, quote them, or print them. This is a gift from our foundation to all of humanity.

For any questions, write to Nara Loka: https://naraloka.ru/en

Personal data processing policy and user agreement