Choose translation / language

11. Assāsapassāsanirodhapañha

Translator: Mahāsaṅgīti Tipiṭaka Buddhavasse 2500

Rājā āha—

“bhante nāgasena, tumhe evaṁ bhaṇatha—

‘sakkā assāsapassāse nirodhetun’”ti?

“Āma, mahārāja, sakkā assāsapassāse nirodhetun”ti.

“Kathaṁ, bhante nāgasena, sakkā assāsapassāse nirodhetun”ti.

“Taṁ kiṁ maññasi, mahārāja, sutapubbo te koci kākacchamāno”ti.

“Āma, bhante, sutapubbo”ti.

“Kiṁ nu kho, mahārāja, so saddo kāye namite virameyyā”ti.

“Āma, bhante, virameyyā”ti.

“So hi nāma, mahārāja, saddo abhāvitakāyassa abhāvitasīlassa abhāvitacittassa abhāvitapaññassa kāye namite viramissati, kiṁ pana bhāvitakāyassa bhāvitasīlassa bhāvitacittassa bhāvitapaññassa catutthajjhānaṁ samāpannassa assāsapassāsā na nirujjhissantī”ti.

“Kallosi, bhante nāgasenā”ti.

Assāsapassāsanirodhapañho ekādasamo.

All materials on the site are available to everyone and are not protected by copyright. For non-commercial purposes, they may be freely reproduced in any form without the authors’ permission.

You may copy them, post them on websites and social media, quote them, or print them. This is a gift from our foundation to all of humanity.

For any questions, write to Nara Loka: https://naraloka.ru/en

Personal data processing policy and user agreement