Uttamātherīgāthā

“Catukkhattuṁ pañcakkhattuṁ,

vihārā upanikkhamiṁ;

Aladdhā cetaso santiṁ,

citte avasavattinī.

Sā bhikkhuniṁ upagacchiṁ,

yā me saddhāyikā ahu;

Sā me dhammamadesesi,

khandhāyatanadhātuyo.

Tassā dhammaṁ suṇitvāna,

Yathā maṁ anusāsi sā;

Sattāhaṁ ekapallaṅkena,

Nisīdiṁ pītisukhasamappitā;

Aṭṭhamiyā pāde pasāresiṁ,

Tamokhandhaṁ padāliyā”ti.

… Uttamā therī ….