Yaṁdukkhasutta
Translator: Mahāsaṅgīti Tipiṭaka Buddhavasse 2500
sn
sn22
Saṁyutta Nikāya 22.16
2. Aniccavagga
Yaṁdukkhasutta
Sāvatthinidānaṁ.
“Rūpaṁ, bhikkhave, dukkhaṁ.
Yaṁ dukkhaṁ tadanattā;
yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.
Vedanā dukkhā …
saññā dukkhā …
saṅkhārā dukkhā …
viññāṇaṁ dukkhaṁ.
Yaṁ dukkhaṁ tadanattā;
yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.
Evaṁ passaṁ …pe…
nāparaṁ itthattāyā’ti pajānātī”ti.
Pañcamaṁ.
