Ajjhattadukkhasutta
Translator: Mahāsaṅgīti Tipiṭaka Buddhavasse 2500
sn
sn35
Saṁyutta Nikāya 35.2
1. Aniccavagga
Ajjhattadukkhasutta
“Cakkhuṁ, bhikkhave, dukkhaṁ.
Yaṁ dukkhaṁ tadanattā;
yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.
Sotaṁ dukkhaṁ …pe…
ghānaṁ dukkhaṁ …
jivhā dukkhā …
kāyo dukkho …
mano dukkho.
Yaṁ dukkhaṁ tadanattā;
yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.
Evaṁ passaṁ …pe…
nāparaṁ itthattāyāti pajānātī”ti.
Dutiyaṁ.
