Dutiyaasekhasutta

“Dasayime, bhikkhave, asekhiyā dhammā.

Katame dasa?

Asekhā sammādiṭṭhi, asekho sammāsaṅkappo, asekhā sammāvācā, asekho sammākammanto, asekho sammāājīvo, asekho sammāvāyāmo, asekhā sammāsati, asekho sammāsamādhi, asekhaṁ sammāñāṇaṁ, asekhā sammāvimutti—

ime kho, bhikkhave, dasa asekhiyā dhammā”ti.

Dvādasamaṁ.

Samaṇasaññāvaggo paṭhamo.

Tassuddānaṁ

Saññā bojjhaṅgā micchattaṁ,

bījaṁ vijjāya nijjaraṁ;

Dhovanaṁ tikicchā vamanaṁ,

niddhamanaṁ dve asekhāti.