Āsavakkhayasutta

“Dasayime, bhikkhave, dhammā bhāvitā bahulīkatā āsavānaṁ khayāya saṁvattanti.

Katame dasa?

Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṁ, sammāvimutti—

ime kho, bhikkhave, dasa dhammā bhāvitā bahulīkatā āsavānaṁ khayāya saṁvattantī”ti.

Dasamaṁ.

Paccorohaṇivaggo dutiyo.

Tassuddānaṁ

Tayo adhammā ajito,

Saṅgāravo ca orimaṁ;

Dve ceva paccorohaṇī,

Pubbaṅgamaṁ āsavakkhayoti.