Vipākasutta

“Dukkhavipākañca vo, bhikkhave, dhammaṁ desessāmi sukhavipākañca.

Taṁ suṇātha …pe…

katamo ca, bhikkhave, dukkhavipāko dhammo?

Pāṇātipāto …pe…

micchādiṭṭhi—

ayaṁ vuccati, bhikkhave, dukkhavipāko dhammo.

Katamo ca, bhikkhave, sukhavipāko dhammo?

Pāṇātipātā veramaṇī …pe…

sammādiṭṭhi—

ayaṁ vuccati, bhikkhave, sukhavipāko dhammo”ti.

Ekādasamaṁ.

Sādhuvaggo tatiyo.