Upāsikāsutta
“Dasahi, bhikkhave, dhammehi samannāgatā upāsikā yathābhataṁ nikkhittā evaṁ niraye.
Katamehi dasahi?
Pāṇātipātinī hoti …pe…
micchādiṭṭhikā hoti ….
Imehi kho, bhikkhave, dasahi dhammehi samannāgatā upāsikā yathābhataṁ nikkhittā evaṁ niraye.
Dasahi, bhikkhave, dhammehi samannāgatā upāsikā yathābhataṁ nikkhittā evaṁ sagge.
Katamehi dasahi?
Pāṇātipātā paṭiviratā hoti …pe…
sammādiṭṭhikā hoti ….
Imehi kho, bhikkhave, dasahi dhammehi samannāgatā upāsikā yathābhataṁ nikkhittā evaṁ sagge”.
Catutthaṁ.
