Nirayasutta

“Catūhi, bhikkhave, dhammehi samannāgato yathābhataṁ nikkhitto evaṁ niraye.

Katamehi catūhi?

Pāṇātipātī hoti, adinnādāyī hoti, kāmesumicchācārī hoti, musāvādī hoti—

imehi kho, bhikkhave, catūhi dhammehi samannāgato yathābhataṁ nikkhitto evaṁ nirayeti.

Pāṇātipāto adinnādānaṁ,

Musāvādo ca vuccati;

Paradāragamanañcāpi,

Nappasaṁsanti paṇḍitā”ti.

Catutthaṁ.