Adhikaraṇasamathasutta

“Sattime, bhikkhave, adhikaraṇasamathā dhammā uppannuppannānaṁ adhikaraṇānaṁ samathāya vūpasamāya.

Katame satta?

Sammukhāvinayo dātabbo, sativinayo dātabbo, amūḷhavinayo dātabbo, paṭiññātakaraṇaṁ dātabbaṁ, yebhuyyasikā dātabbā, tassapāpiyasikā dātabbā, tiṇavatthārako dātabbo.

Ime kho, bhikkhave, satta adhikaraṇasamathā dhammā uppannuppannānaṁ adhikaraṇānaṁ samathāya vūpasamāyā”ti.

Dasamaṁ.

Vinayavaggo aṭṭhamo.

Tassuddānaṁ

Caturo vinayadharā,

caturo ceva sobhanā;

Sāsanaṁ adhikaraṇa—

samathenaṭṭhame dasāti.