Saññāsutta

an / an9
Aṅguttara Nikāya 9.16 · 2. Sīhanādavagga
an / an9
Aṅguttara Nikāya 9.16 · 2. Sīhanādavagga

“Navayimā, bhikkhave, saññā bhāvitā bahulīkatā mahapphalā honti mahānisaṁsā amatogadhā amatapariyosānā.

Katamā nava?

Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā—

imā kho, bhikkhave, nava saññā, bhāvitā bahulīkatā mahapphalā honti mahānisaṁsā amatogadhā amatapariyosānā”ti.

Chaṭṭhaṁ.

Предыдущая сутта Следующая сутта