Ubhatobhāgavimuttasutta

an / an9
Aṅguttara Nikāya 9.45 · 5. Sāmaññavagga
an / an9
Aṅguttara Nikāya 9.45 · 5. Sāmaññavagga

“‘Ubhatobhāgavimutto, ubhatobhāgavimutto’ti, āvuso, vuccati.

Kittāvatā nu kho, āvuso, ubhatobhāgavimutto vutto bhagavatā”ti?

“Idhāvuso, bhikkhu vivicceva kāmehi …pe… paṭhamaṁ jhānaṁ upasampajja viharati.

Yathā yathā ca tadāyatanaṁ tathā tathā naṁ kāyena phusitvā viharati, paññāya ca naṁ pajānāti.

Ettāvatāpi kho, āvuso, ubhatobhāgavimutto vutto bhagavatā pariyāyena …pe….

Puna caparaṁ, āvuso, bhikkhu sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati, paññāya cassa disvā āsavā parikkhīṇā honti.

Yathā yathā ca tadāyatanaṁ tathā tathā naṁ kāyena phusitvā viharati, paññāya ca naṁ pajānāti.

Ettāvatāpi kho, āvuso, ubhatobhāgavimutto vutto bhagavatā nippariyāyenā”ti.

Catutthaṁ.

Предыдущая сутта Следующая сутта