Kalyāṇavagga

kn / ja
Jātaka · Dukanipāta

“Janittaṁ me bhavittaṁ me,

iti paṅke avassayiṁ;

Taṁ maṁ paṅko ajjhabhavi,

yathā dubbalakaṁ tathā;

Taṁ taṁ vadāmi bhaggava,

suṇohi vacanaṁ mama”.

“Gāme vā yadi vā raññe,

sukhaṁ yatrādhigacchati;

Taṁ janittaṁ bhavittañca,

purisassa pajānato;

Yamhi jīve tamhi gacche,

na niketahato siyā”ti.

Kacchapajātakaṁ aṭṭhamaṁ.

← Предыдущая сутта Следующая сутта →