Saṅkappavagga

kn / ja
Jātaka · Tikanipāta

“Saṅkapparāgadhotena,

vitakkanisitena ca;

Nālaṅkatena bhadrena,

usukārākatena ca.

Na kaṇṇāyatamuttena,

nāpi morūpasevinā;

Tenamhi hadaye viddho,

sabbaṅgaparidāhinā.

Āvedhañca na passāmi,

Yato ruhiramassave;

Yāva ayoniso cittaṁ,

Sayaṁ me dukkhamābhatan”ti.

Saṅkapparāgajātakaṁ paṭhamaṁ.

← Предыдущая сутта Следующая сутта →