13. Vitakkalakkhaṇapañha

kn / mil
Milindapañha · Vicāravagga

“Bhante nāgasena, kiṁlakkhaṇo vitakko”ti?

“Appanālakkhaṇo, mahārāja, vitakko”ti.

“Opammaṁ karohī”ti.

“Yathā, mahārāja, vaḍḍhakī suparikammakataṁ dāruṁ sandhismiṁ appeti;

evameva kho, mahārāja, appanālakkhaṇo vitakko”ti.

“Kallosi, bhante nāgasenā”ti.

Vitakkalakkhaṇapañho terasamo.

← Предыдущая сутта Следующая сутта →