Udapānadāyakattheraapadāna

“Vipassino bhagavato,

udapāno kato mayā;

Piṇḍapātañca datvāna,

niyyādesimahaṁ tadā.

Ekanavutito kappe,

yaṁ kammamakariṁ tadā;

Duggatiṁ nābhijānāmi,

udapānassidaṁ phalaṁ.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā udapānadāyako thero imā gāthāyo abhāsitthāti.

Udapānadāyakattherassāpadānaṁ catutthaṁ.