6 Bodhiupaṭṭhākattheraapadāna

kn / tha-ap
Therāpadāna · Kuṭajapupphiyavagga

“Nagare rammavatiyā,

āsiṁ murajavādako;

Niccupaṭṭhānayuttomhi,

gatohaṁ bodhimuttamaṁ.

Sāyaṁ pātaṁ upaṭṭhitvā,

sukkamūlena codito;

Aṭṭhārasakappasate,

duggatiṁ nupapajjahaṁ.

Pannarase kappasate,

ito āsiṁ janādhipo;

Murajo nāma nāmena,

cakkavattī mahabbalo.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā bodhiupaṭṭhāko thero imā gāthāyo abhāsitthāti.

Bodhiupaṭṭhākattherassāpadānaṁ chaṭṭhaṁ.

← Предыдущая сутта Следующая сутта →