8 Sattalipupphapūjakattheraapadāna

kn / tha-ap
Therāpadāna · Tuvaradāyakavagga

“Satta sattalipupphāni,

sīse katvānahaṁ tadā;

Buddhassa abhiropesiṁ,

vessabhumhi naruttame.

Ekattiṁse ito kappe,

yaṁ pupphamabhipūjayiṁ;

Duggatiṁ nābhijānāmi,

buddhapūjāyidaṁ phalaṁ.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā sattalipupphapūjako thero imā gāthāyo abhāsitthāti.

Sattalipupphapūjakattherassāpadānaṁ aṭṭhamaṁ.

← Предыдущая сутта Следующая сутта →