Macchadāyakattheraapadāna

“Candabhāgānadītīre,

ukkuso āsahaṁ tadā;

Mahantaṁ macchaṁ paggayha,

siddhatthamunino adaṁ.

Catunnavutito kappe,

yaṁ macchamadadiṁ tadā;

Duggatiṁ nābhijānāmi,

macchadānassidaṁ phalaṁ.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā macchadāyako thero imā gāthāyo abhāsitthāti.

Macchadāyakattherassāpadānaṁ chaṭṭhaṁ.