3 Buddhasaññakattheraapadāna

kn / tha-ap
Therāpadāna · Nāgasamālavagga

“Dumagge paṁsukūlikaṁ,

laggaṁ disvāna satthuno;

Tato tamañjaliṁ katvā,

paṁsukūlaṁ avandahaṁ.

Dvenavute ito kappe,

yaṁ kammamakariṁ tadā;

Duggatiṁ nābhijānāmi,

buddhasaññāyidaṁ phalaṁ.

Ito catutthake kappe,

dumasārosi khattiyo;

Cāturanto vijitāvī,

cakkavattī mahabbalo.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā buddhasaññako thero imā gāthāyo abhāsitthāti.

Buddhasaññakattherassāpadānaṁ tatiyaṁ.

← Предыдущая сутта Следующая сутта →