Pajjotasutta

“Kiṁsu lokasmi pajjoto,

kiṁsu lokasmi jāgaro;

Kiṁsu kamme sajīvānaṁ,

kimassa iriyāpatho.

Kiṁsu alasaṁ analasañca,

Mātā puttaṁva posati;

Kiṁ bhūtā upajīvanti,

Ye pāṇā pathavissitā”ti.

“Paññā lokasmi pajjoto,

sati lokasmi jāgaro;

Gāvo kamme sajīvānaṁ,

sītassa iriyāpatho.

Vuṭṭhi alasaṁ analasañca,

Mātā puttaṁva posati;

Vuṭṭhiṁ bhūtā upajīvanti,

Ye pāṇā pathavissitā”ti.