Taṇhāsutta
Sāvatthiyaṁ viharati.
“Taṁ kiṁ maññasi, rāhula,
rūpataṇhā niccā vā aniccā vā”ti?
“Aniccā, bhante” …
“saddataṇhā …pe…
gandhataṇhā …
rasataṇhā …
phoṭṭhabbataṇhā …
dhammataṇhā niccā vā aniccā vā”ti?
“Aniccā, bhante” …
“evaṁ passaṁ, rāhula, sutavā ariyasāvako rūpataṇhāyapi nibbindati …pe… saddataṇhāyapi nibbindati … gandhataṇhāyapi nibbindati … rasataṇhāyapi nibbindati … phoṭṭhabbataṇhāyapi nibbindati … dhammataṇhāyapi nibbindati …pe…
pajānātī”ti.
Aṭṭhamaṁ.
