Sahetudukkhasutta

Sāvatthinidānaṁ.

“Rūpaṁ, bhikkhave, dukkhaṁ.

Yopi hetu yopi paccayo rūpassa uppādāya, sopi dukkho.

Dukkhasambhūtaṁ, bhikkhave, rūpaṁ kuto sukhaṁ bhavissati.

Vedanā dukkhā …

saññā dukkhā …

saṅkhārā dukkhā …

viññāṇaṁ dukkhaṁ.

Yopi hetu yopi paccayo viññāṇassa uppādāya, sopi dukkho.

Dukkhasambhūtaṁ, bhikkhave, viññāṇaṁ kuto sukhaṁ bhavissati.

Evaṁ passaṁ …pe…

nāparaṁ itthattāyā’ti pajānātī”ti.

Aṭṭhamaṁ.