Rūpasutta

Sāvatthinidānaṁ.

“Yo, bhikkhave, rūpesu chandarāgo, cittasseso upakkileso.

Yo saddesu …

yo gandhesu …

yo rasesu …

yo phoṭṭhabbesu …

yo dhammesu chandarāgo, cittasseso upakkileso.

Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṁ hoti.

Nekkhammaparibhāvitaṁ cittaṁ kammaniyaṁ khāyati, abhiññā sacchikaraṇīyesu dhammesū”ti.

Dutiyaṁ.