Ajjhattānattasutta

“Cakkhuṁ, bhikkhave, anattā.

Yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.

Sotaṁ anattā …pe…

ghānaṁ anattā …

jivhā anattā …

kāyo anattā …

mano anattā.

Yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ.

Evaṁ passaṁ …pe…

nāparaṁ itthattāyāti pajānātī”ti.

Tatiyaṁ.