Paṭhamapaṭipadāsutta

Sāvatthinidānaṁ.

“Micchāpaṭipadañca vo, bhikkhave, desessāmi, sammāpaṭipadañca.

Taṁ suṇātha.

Katamā ca, bhikkhave, micchāpaṭipadā?

Seyyathidaṁ—micchādiṭṭhi …pe… micchāsamādhi.

Ayaṁ vuccati, bhikkhave, micchāpaṭipadā.

Katamā ca, bhikkhave, sammāpaṭipadā?

Seyyathidaṁ—sammādiṭṭhi …pe… sammāsamādhi.

Ayaṁ vuccati, bhikkhave, sammāpaṭipadā”ti.

Tatiyaṁ.