Paṭhamaariyāvāsasutta

an / an10
Aṅguttara Nikāya 10.19 · 2. Nāthavagga
an / an10
Aṅguttara Nikāya 10.19 · 2. Nāthavagga

“Dasayime, bhikkhave, ariyāvāsā, ye ariyā āvasiṁsu vā āvasanti vā āvasissanti vā.

Katame dasa?

Idha, bhikkhave, bhikkhu pañcaṅgavippahīno hoti, chaḷaṅgasamannāgato, ekārakkho, caturāpasseno, paṇunnapaccekasacco, samavayasaṭṭhesano, anāvilasaṅkappo, passaddhakāyasaṅkhāro, suvimuttacitto, suvimuttapañño.

Ime kho, bhikkhave, dasa ariyāvāsā, ye ariyā āvasiṁsu vā āvasanti vā āvasissanti vā”ti.

Navamaṁ.

Предыдущая сутта Следующая сутта