Paṭhamasaññāsutta

an / an10
Aṅguttara Nikāya 10.56 · 6. Sacittavagga
an / an10
Aṅguttara Nikāya 10.56 · 6. Sacittavagga

“Dasayimā, bhikkhave, saññā bhāvitā bahulīkatā mahapphalā honti mahānisaṁsā amatogadhā amatapariyosānā.

Katamā dasa?

Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā—

imā kho, bhikkhave, dasa saññā bhāvitā bahulīkatā mahapphalā honti mahānisaṁsā amatogadhā amatapariyosānā”ti.

Chaṭṭhaṁ.

Предыдущая сутта Следующая сутта