Dutiyasaññāsutta

an / an10
Aṅguttara Nikāya 10.57 · 6. Sacittavagga
an / an10
Aṅguttara Nikāya 10.57 · 6. Sacittavagga

“Dasayimā, bhikkhave, saññā bhāvitā bahulīkatā mahapphalā honti mahānisaṁsā amatogadhā amatapariyosānā.

Katamā dasa?

Aniccasaññā, anattasaññā, maraṇasaññā, āhāre paṭikūlasaññā, sabbaloke anabhiratasaññā, aṭṭhikasaññā, puḷavakasaññā, vinīlakasaññā, vicchiddakasaññā, uddhumātakasaññā—

imā kho, bhikkhave, dasa saññā bhāvitā bahulīkatā mahapphalā honti mahānisaṁsā amatogadhā amatapariyosānā”ti.

Sattamaṁ.

Предыдущая сутта Следующая сутта