Paṭhamavagga

Vuttañhetaṁ bhagavatā vuttamarahatāti me sutaṁ:

“Tīṇimāni, bhikkhave, akusalamūlāni.

Katamāni tīṇi?

Lobho akusalamūlaṁ, doso akusalamūlaṁ, moho akusalamūlaṁ—

imāni kho, bhikkhave, tīṇi akusalamūlānī”ti.

Etamatthaṁ bhagavā avoca.

Tatthetaṁ iti vuccati:

“Lobho doso ca moho ca,

purisaṁ pāpacetasaṁ;

Hiṁsanti attasambhūtā,

tacasāraṁva samphalan”ti.

Ayampi attho vutto bhagavatā, iti me sutanti.

Paṭhamaṁ.