5. Bhagavatoupasampadāpañha

kn / mil
Milindapañha · Sativagga

Rājā āha—

“bhante nāgasena, upasampadā sundarā”ti?

“Āma, mahārāja, upasampadā sundarā”ti.

“Atthi pana, bhante, buddhassa upasampadā, udāhu natthī”ti?

“Upasampanno kho, mahārāja, bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṁ, mahārāja, bhagavā sikkhāpadaṁ paññapeti yāvajīvaṁ anatikkamanīyan”ti.

“Kallosi, bhante nāgasenā”ti.

Bhagavato upasampadāpañho pañcamo.

← Предыдущая сутта Следующая сутта →