Paṭhamavagga

“Pare ca na vijānanti,

mayamettha yamāmase;

Ye ca tattha vijānanti,

tato sammanti medhagā.

Yadā ca avijānantā,

iriyantyamarā viya;

Vijānanti ca ye dhammaṁ,

āturesu anāturā.

Yaṁ kiñci sithilaṁ kammaṁ,

saṅkiliṭṭhañca yaṁ vataṁ;

Saṅkassaraṁ brahmacariyaṁ,

na taṁ hoti mahapphalaṁ.

Yassa sabrahmacārīsu,

gāravo nūpalabbhati;

Ārakā hoti saddhammā,

nabhaṁ puthaviyā yathā”ti.

… Sabhiyo thero ….