Paṭhamavagga

“Dhiratthu pūre duggandhe,

mārapakkhe avassute;

Navasotāni te kāye,

yāni sandanti sabbadā.

Mā purāṇaṁ amaññittho,

māsādesi tathāgate;

Saggepi te na rajjanti,

kimaṅgaṁ pana mānuse.

Ye ca kho bālā dummedhā,

dummantī mohapārutā;

Tādisā tattha rajjanti,

mārakhittamhi bandhane.

Yesaṁ rāgo ca doso ca,

avijjā ca virājitā;

Tādī tattha na rajjanti,

chinnasuttā abandhanā”ti.

… Nandako thero ….