Paṭhamavagga

kn / thag
Theragāthā 6.2 · Chakkanipāta

“Atihitā vīhi,

khalagatā sālī;

Na ca labhe piṇḍaṁ,

kathamahaṁ kassaṁ”.

“Buddhamappameyyaṁ anussara pasanno,

Pītiyā phuṭasarīro hohisi satatamudaggo.

Dhammamappameyyaṁ anussara pasanno,

Pītiyā phuṭasarīro hohisi satatamudaggo.

Saṅghamappameyyaṁ anussara pasanno,

Pītiyā phuṭasarīro hohisi satatamudaggo”.

“Abbhokāse viharasi,

Sītā hemantikā imā ratyo;

Mā sītena pareto vihaññittho,

Pavisa tvaṁ vihāraṁ phusitaggaḷaṁ”.

“Phusissaṁ catasso appamaññāyo,

Tāhi ca sukhito viharissaṁ;

Nāhaṁ sītena vihaññissaṁ,

Aniñjito viharanto”ti.

… Tekicchakārī thero ….

← Предыдущая сутта Следующая сутта →