Paṭhamavagga

kn / thag
Theragāthā 7.1 · Sattakanipāta

“Alaṅkatā suvasanā,

māladhārī vibhūsitā;

Alattakakatāpādā,

pādukāruyha vesikā.

Pādukā oruhitvāna,

purato pañjalīkatā;

Sā maṁ saṇhena mudunā,

mhitapubbaṁ abhāsatha.

Yuvāsi tvaṁ pabbajito,

tiṭṭhāhi mama sāsane;

Bhuñja mānusake kāme,

ahaṁ vittaṁ dadāmi te;

Saccaṁ te paṭijānāmi,

aggiṁ vā te harāmahaṁ.

Yadā jiṇṇā bhavissāma,

ubho daṇḍaparāyanā;

Ubhopi pabbajissāma,

ubhayattha kaṭaggaho.

Tañca disvāna yācantiṁ,

vesikaṁ pañjalīkataṁ;

Alaṅkataṁ suvasanaṁ,

maccupāsaṁva oḍḍitaṁ.

Tato me manasīkāro,

… pe

…

nibbidā samatiṭṭhatha.

Tato cittaṁ vimucci me,

… pe

…

kataṁ buddhassa sāsanan”ti.

… Sundarasamuddo thero ….

← Предыдущая сутта Следующая сутта →