Rādhaanattasutta

“Yo kho, rādha, anattā tatra te chando pahātabbo.

Ko ca, rādha, anattā?

Cakkhu kho, rādha, anattā. Tatra te chando pahātabbo.

Rūpā …

cakkhuviññāṇaṁ …

cakkhusamphasso …

yampidaṁ cakkhusamphassapaccayā …pe…

mano anattā …

dhammā …

manoviññāṇaṁ …

manosamphasso …

yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi anattā. Tatra te chando pahātabbo.

Yo kho, rādha, anattā tatra te chando pahātabbo”ti.

Pañcamaṁ.