Accharāsutta

“Accharāgaṇasaṅghuṭṭhaṁ,

pisācagaṇasevitaṁ;

Vanantaṁ mohanaṁ nāma,

kathaṁ yātrā bhavissatī”ti.

“Ujuko nāma so maggo,

abhayā nāma sā disā;

Ratho akūjano nāma,

dhammacakkehi saṁyuto.

Hirī tassa apālambo,

satyassa parivāraṇaṁ;

Dhammāhaṁ sārathiṁ brūmi,

sammādiṭṭhipurejavaṁ.

Yassa etādisaṁ yānaṁ,

itthiyā purisassa vā;

Sa ve etena yānena,

nibbānasseva santike”ti.