Paṭhamavagga

kn / thag
Theragāthā 8.2 · Aṭṭhakanipāta

“Akkodhanonupanāhī,

amāyo rittapesuṇo;

Sa ve tādisako bhikkhu,

evaṁ pecca na socati.

Akkodhanonupanāhī,

amāyo rittapesuṇo;

Guttadvāro sadā bhikkhu,

evaṁ pecca na socati.

Akkodhanonupanāhī,

amāyo rittapesuṇo;

Kalyāṇasīlo so bhikkhu,

evaṁ pecca na socati.

Akkodhanonupanāhī,

amāyo rittapesuṇo;

Kalyāṇamitto so bhikkhu,

evaṁ pecca na socati.

Akkodhanonupanāhī,

amāyo rittapesuṇo;

Kalyāṇapañño so bhikkhu,

evaṁ pecca na socati.

Yassa saddhā tathāgate,

acalā suppatiṭṭhitā;

Sīlañca yassa kalyāṇaṁ,

ariyakantaṁ pasaṁsitaṁ.

Saṅghe pasādo yassatthi,

ujubhūtañca dassanaṁ;

‘Adaliddo’ti taṁ āhu,

amoghaṁ tassa jīvitaṁ.

Tasmā saddhañca sīlañca,

pasādaṁ dhammadassanaṁ;

Anuyuñjetha medhāvī,

saraṁ buddhāna sāsanan”ti.

… Sirimitto thero ….

← Предыдущая сутта Следующая сутта →